Questions? +1 (202) 335-3939 Login
Trusted News Since 1995
A service for agriculture industry professionals · Friday, March 29, 2024 · 699,678,824 Articles · 3+ Million Readers

Fógraíonn an tAire Creed gur cuireadh tús le híocaíochtaí faoin BDGP

D’fhógair an tAire Talmhaíochta, Bia agus Mara, Michael Creed, TD, inniu gur cuireadh tús le híocaíochtaí faoin gClár Géanómaíochta agus Sonraí Mairteola.

Dúirt an tAire Creed “Táim thar a bheith sásta gur cuireadh tús le híocaíochtaí don tríú bliain den Chlár nuálach seo a bhainfidh laghduithe amach ar astaíochtaí  gás ceaptha teasa agus a thabharfaidh teicneolaíocht ghéiniteach isteach sa tréad náisiúnta a fheabhsóidh brabúsacht feirme dá bharr. Cuireadh tús leis na híocaíochtaí seo, ar fiú €37 milliún iad, a eisiúint do 21,000 feirmeoir a dheimhnigh a gcomhlíonadh le riachtanais 2017.”

Dúirt an tAire, chomh maith “Cuirfear tús, chomh maith, le híocaíochtaí faoin BDGP II sna laethanta amach romhainn. Le roinnt míonna anuas, bhí íocaíochtaí á n-eisiúint ag mo Roinn d’fheirmeoirí i measc réimse scéimeanna, an BPS, ANC, Aistriú Eolais, GLAS, agus an Scéim nua Leasa Caorach ina measc.  Táimse an-fheasach ar thábhacht na scéimeanna seo don phobal feirmeoireachta, agus soláthraíonn siad neartú suntasach airgeadais d’fheirmeoirí aonair agus don gheilleagar tuaithe níos fairsinge.”

Leanfar le híocaíochtaí BDGP a eisiúint ar bhonn leanúnach de réir mar a dheimhníonn níos mó feirmeoirí go gcomhlíonann siad riachtanais scéime 2017. Spreag an tAire feirmeoirí “chun gach suirbhé agus sampla géinitíopála a sheoladh ar ais agus/nó chun nuashonrú an treoraí carbóin a chomhlánú a luaithe agus is féidir chun íocaíocht a éascú.”

CRÍOCH

Date Released: 14 December 2017

Powered by EIN Presswire


EIN Presswire does not exercise editorial control over third-party content provided, uploaded, published, or distributed by users of EIN Presswire. We are a distributor, not a publisher, of 3rd party content. Such content may contain the views, opinions, statements, offers, and other material of the respective users, suppliers, participants, or authors.

Submit your press release